har HasiiN shai meN nazar aaoge, taRpaaoge!...merii ek puraanii Ghazal

[KKF]

salaam dosto,

kaise mizaaj haiN? ummeed hai k ba_Kahir hoNge.

aaj ek 'arsa_haa-e-daraaz ke ba'd idhar se guzar huaa to sochaa kuchh nazraana pesh kartaa chaluuN gar qubool uftaad!

aapkii Hausalah_afzaaii aur aaraa-e-tanqeed o tanqees kaa shiddat se intizaar rahgaa...aapkaa peshgii shukria adaa kartaa huN

to, Ghazal mulaaHizah farmaaiye:

faqat Khaak_nashiiN.
_______KKF

1.
roop badloge to kia Khud bhii badal jaaoge
'umr bhar tark-e-tamannaa kii sazaa paaoge

2.
dil sulagtaa hai to seene se dhuaaN uThtaa hai
aatish-e-'ishq se kis taur amaaN paaoge?

3.
ham judaa ho ke bhii jii leNge, basar kar leNge
tum hii, vai'Hshat_zadah! tanhaaii se ghabraaoge

4.
aa rahii hai mire kaanoN meN bahaaroN kii sadaa
ham_damo! kab gul_bulbul kii Khabar laaoge?

5.
shaam aatii hai to dil Doob ke rah jaataa hai
raat bhar raah dikhaaoge, kahaaN aaoge!

6.
raat baaqii hai abhii, kooch kaa samaan karo
pau phaTe doorii-e-manzil se laraz jaaoge

7.
chaand meN, gul meN, bahaaroN meN, chaman_zaaroN meN
har HasiiN shai meN nazar aaoge, taRpaaoge!

8.
log milte haiN, bichhaRte haiN jahaaN meN har_dam
aaj bichhRoge to kal Hashr meN mil jaaoge!

9.
laakh tafseer kare vai'Hshat-e-dil kii "Sai'hbaa!"
baat itnii hai ki har rang meN yaad aaoge

[saadat tahir]

Re: har HasiiN shai meN nazar aaoge, taRpaaoge!...merii ek puraanii Ghazal

zabardast.....thanx


phool purana bhi ho jaye...khushboo to bahar kaief......taaaleen....

be happy

[sfaseehrabbani]

Re: har HasiiN shai meN nazar aaoge, taRpaaoge!...merii ek puraanii Ghazal

bohat khoob......

[Innocent Smile]

Re: har HasiiN shai meN nazar aaoge, taRpaaoge!...merii ek puraanii Ghazal

boht aala..

lekin ye har sher ke sath number kion likha hai?

[Shazia Arif]

Re: har HasiiN shai meN nazar aaoge, taRpaaoge!...merii ek puraanii Ghazal

alaa paen.

[KKF]

Re: har HasiiN shai meN nazar aaoge, taRpaaoge!...merii ek puraanii Ghazal

zabardast.....thanx


phool purana bhi ho jaye...khushboo to bahar kaief......taaaleen....

be happy

Hausalah-afzaaii ke liye shukria janaab...aapkii pasand mere liye mash'il-e-raah hai. nawaazish, karam, aHsaan

[KKF]

Re: har HasiiN shai meN nazar aaoge, taRpaaoge!...merii ek puraanii Ghazal

bohat khoob......

bahot bahot shukria aapkaa janaab

[KKF]

Re: har HasiiN shai meN nazar aaoge, taRpaaoge!...merii ek puraanii Ghazal

boht aala..

lekin ye har sher ke sath number kion likha hai?

Tankoo baba, Tankoo vo number is liye k jin jin logoN ne PhD in KV kar rakkhii hai unke liye aasaanii ho aur vo pooraa she'r likhne ke bajaaye sirf number likh deN k bhai mujhe 2 numbrii she'r ziyaada pasand aayaa [2 numbarii ] ...

...is baat pe mujhe ek joke yaad aayaa...do dost ek dusre ko joke sunaayaa karte the to un meN se k bolaa yaar...#3...donoN baRii zor se haNs paRe...phir dusraa bolaa...#5...phir donoN haNs paRe zor zor se...

...ab agar jokes ke numbers hoN to jokes likhne kii kia zaroorat?

alaa paen.

shukriya saaiiN