Announcement

Collapse
No announcement yet.

Mera Noha Inhi Galiyon Ki Hawa Likha Gi

Collapse
X
 
  • Filter
  • Time
  • Show
Clear All
new posts

    Mera Noha Inhi Galiyon Ki Hawa Likha Gi

    Mein k is shehr ka seemaab-sifat shaayar hon
    Meri takhleeq mere fikr ki pehchaan bhi hai

    Mere harfoN, mere lafzoN men hai chehra mera
    Mera fan ab mera mazhab, mera eemaan bhi hai

    Meer-o-Ghalib na sahi phir bhi ghaneemat jaano
    Mere yaaroN k sarhaane mera deewaan bhi hai

    Mujh se poocho k shikast-e-dil-o-jaaN se pehle
    Mere ehsaas pe guzri hai qayaamat kya kya

    Saaya-e-daar-o-shab-e-gham ki sakhaawat se alag
    Mein ne sochi qad-o-geisu ki alaamat kya kya

    Mere toote huay khwaaboN k kharaaboN se pare
    Mere bikhray huay jazbay thay salaamat kya kya

    Tanz-e-aghyaar se ehbaab k ikhlaas talak
    Main ne har nemat-e-uzma ka libaada pehna

    Dast-e-qaatil ki kashish aap gawaahi degi
    Mein ne har zakhm qaba se bhi ziyada pehna

    Meri aankhoN men kharaashen theeN dhanak ki lekin
    Meri tasveer ne malboos to saada pehna

    Zarbat-e-sang-e-malaamat mere seene pe saji
    Tamgha-e-jurrat-o-ezaaz-e-hakoomat ki tarha

    Khul k barsi meri sochon pay adaawat ki ghata
    AasmaanoN se utarti hui daulat ki tarha

    Qarya qarya hui ruswa mere fan ki chaahat
    Konay konay men bikharti hui shohrat ki tarha

    Mujh pe karki hen kamaanen mere gham-khwaroN ki
    Mere ashkon ka tamaasha sar-e-baazaar hua

    Mere aangan men hawaadis ki sawaari utri
    Mera dil wajh-e-azaab-e-dar-o-deewaar hua

    Ishq men izzat-e-saadaat bhula kar aksar
    Meer saahab ki tarha main bhi gunah'gaar hua

    Apni ujri hui aankhon se shuaayen lay kar
    Mein ne bujhti hui sochon ko jawaani di hai

    Apni ghazlon k sukhan-taab sitaaray chun kar
    Sang'rezoN ko bhi aashufta-bayaani di hai

    Husn-e-khaak-e-rah-e-yaaraaN se mohabbat kar k
    Mein ne har mor ko ik taaza kahaani di hai

    Mujhse roothay hen mere apnay qabeelay waalay
    Mere seene men har ek teer-e-sitam toota hai

    Lafz-o-maani k taqaazoN se ulajh kar aksar
    Mere haathon mera majrooh qalam toota hai

    Karb-e-na-qadri-e-yaaraaN k bhanvar men ghir kar
    Baar'ha dil ki tarha shauq ka dam toota hai

    Main k is shehr ka seemaab-sifat shaayar hoon
    Main ne is shehr ki chaahat se sharf paaya hai

    Mere aada ka ghazab abr-e-karam hai mujh ko
    Mere ehbaab ki nafrat mera sarmaaya hai

    Meri bikhri hui ruswaai hai shohrat meri
    Mere sehra ki tamaazat mera sarmaaya hai

    Mutma'in hon k mujhay yaad rakhay gi dunya
    Jab bhi is shehr ki tareekh-e-wafa likhay gi

    Mere ghar k dar-o-deewaar mujhay sochein gay
    Wus'at-e-dasht mujhay aabla-pa likhay gi

    Mera maatam isi chup chaap fiza men hoga
    Mera noha inhi galiyoN ki hawa likhay gi.....
    Last edited by aabla_pa; Dec 1, 2008, 07:11 AM.
    Fitrat Meri Ishq'o'Muhabbat - Kismat Meri Tanhaai

    #2
    Re: Mera Noha Inhi Galiyon Ki Hawa Likha Gi

    Nice sharing too lengthy.
    Ishq samjhe the jise, wo tha bus narasai ka rishta
    mere aur us ke darmian nikla umar bhar ki judai ka rishta.

    Comment


      #3
      Re: Mera Noha Inhi Galiyon Ki Hawa Likha Gi

      Meri aankhoN men kharaashen theeN dhanak ki lekin
      Meri tasveer ne malboos to saada pehna


      long but nice thanks 4 sharing
      ~BadlooN peR baseRa~

      /)/)..(\(\

      ( ._.).(._. )
      o(_(')(')..(')(')_)o

      Comment


        #4
        Re: Mera Noha Inhi Galiyon Ki Hawa Likha Gi

        Mutma'in hon k mujhay yaad rakhay gi dunya
        Jab bhi is shehr ki tareekh-e-wafa likhay gi

        Comment


          #5
          very nice
          The heart is the only broken instrument that works.

          Comment

          Working...
          X