Announcement

Collapse
No announcement yet.

Ahista Ahista

Collapse
X
 
  • Filter
  • Time
  • Show
Clear All
new posts

  • farooqahmad
    replied
    Re: Ahista Ahista

    What a collection of 'ahista ahissta'. Wah wah.......wah.
    Weldone Mirabbas.

    Leave a comment:


  • mirabbas
    replied
    Re: Ahista Ahista

    Hati zulf unn ke chehre se magar ahista ahista
    ayaan suraj huaa waqt-e-sahar ahista ashista

    qafas mein dekh ker baaz-o-aseer aa pas mein kehte hein
    bahaar-e-gul taq aa jaeynge par ahista ahista

    gham-e-tabdeeli-e-gulshan kahan taq phir ye gulshan hai
    qafas bhi ho tu ban jaata hai ghar ahista ahista

    Ilaahi konsa waqt aagaya bemaar-e-furqat per
    ke uth kar chal diye sab chaara'h gar ahista ahista

    na jaane kyun na aaya warna kab ka aa jaata
    agar chala wahaan se namaabar ahista ahista

    jisse ab dekh ker ek jaan parhti hai mohabat mein
    yahi ban jaaye gi qatil nazar ahista ahista

    abhi taq yaad hai kal ki shab-e-gham aur tanhaee
    phir uss per chaand ka dhalna Qamar ahista ahista

    By: Qamar Jalalvi

    Leave a comment:


  • Zamil
    replied
    Re: Ahista Ahista

    Uttha d raat ne rukh se naqaab aahista aahista
    Bas ubhra chaahta hai aaftaab aahista aahista

    Wo ik tarz-e-takallum, mehv hota hi nahi dil se
    Kisi ne khilte dekha hai gulaab aahista aahista !

    Kabhi ik aaisa manzar bhi nigaahon se guzarta hai
    K yaad aata hai ik bhoola sa khwaab aahista aahista

    Khayaal o khwaab ho kar reh gaye kya kya hasee(n) chehre
    Hua veeraan shehr-e-laajwaab aahista aahista

    Kisi jhaunke ne jaise koi pichhli yaad dohra d
    Hawa ne paltte auraaq-e-kitaab aahista aahista
    (poet: Saud Usmani)
    ***********************
    Mehek utthe gi saari rah-guzar aahista aahista
    Hua karta hai khushbu ka safar aahista aahista

    Diye sirf ek gham ne zindagi ko zaaviye kya kya
    Jalee(n) ik lau se shamm'ein kis qadar aahista aahista

    Mere husn-e-nazar ka khud mujhe ehsaas tak kiyun ho
    Jamaal-e-yaar kar aankhon mein ghar aahista aahista

    Shuaayen khud hi apna raasta pehchaan leti hain
    Utar aati hai aankhon mein sahar aahista aahista

    Teri yaadein bhi ik ik kar k rukhsat hoti jaati hain
    Bichharte jaa rahe hain hamsafar aahista aahista
    (poet: Saud Usmani)

    Leave a comment:


  • Zamil
    replied
    Re: Ahista Ahista

    Wah Sarkaar!
    Ye Ameer Minai jo hain ye Josh k ustaad they. Ustaadi kaise na dikhaate!!! :-)
    Lijiye ham bhi kuch post kar dete hain .....Aahista Aahista

    Leave a comment:


  • Lajawab
    replied
    Re: Ahista Ahista

    Originally posted by mirabbas

    Jawan hone lage jab wo to hum se kar liya parda
    haya yak-lakht aa ee aur shabaab aahista aahista
    What a bloody good shair man...

    Excellent...(Jagjit sang this one too)

    Leave a comment:


  • mirabbas
    replied
    Re: Ahista Ahista

    Khulegi iss nazar pe chashm-e-tar aahista aahista
    kiyaa jaata hai paani mein safar aahista aahista

    badal dena hai raasta ya kaheen par baeth jana hai
    ki thakta ja raha hai ham - safar aahista aahista

    khalish ke saath iss dil se na meri jaan nikal jaaye
    kheenche teer-e-shanasaee magar aahista aahista

    meri shola mizaaji ko wo jangal kaise raas aaye
    hawa bhi saans leti jo jidhar aahista aahista

    By: Parween Shakir

    Leave a comment:


  • mirabbas
    started a topic Ahista Ahista

    Ahista Ahista

    Sarakti jaaye hain rukh se ye naqaab aahista aashista
    nikalta aa raha hai aftaab aaista aahista

    Jawan hone lage jab wo to hum se kar liya parda
    haya yak-lakht aa ee aur shabaab aahista aahista

    Shab-e-furqat ka jaaga hoon farishto ab to sone do
    kabhi fursat mein kar lena hisaab aahista aahista

    Sawaal-e-vasl par un ko adoo ka khauf hai itna
    dabe honto'n se dete hain jawaab aahista aahista

    hamare aur tumhare pyar mein bas farq hai itna
    idhar to jaldi jaldi hai udhar aahista aahista

    Wo bedardi se ser kaate Ameer aur mein kahoon unse
    huzuur aahista aa****a janaab aahista aahista

    By: Ameer Minai
Working...
X