Announcement

Collapse
No announcement yet.

Etraaf

Collapse
X
 
  • Filter
  • Time
  • Show
Clear All
new posts

    Etraaf

    Ab mere paas tum aa ee ho tu kia aa ee ho

    Maine maana ke tum aik paikar-e-rana'ee ho
    chaman-e-dahar mein rooh-e-chaman ara'ee ho
    talat-e-mehr ho, firdous ki burna'ee ho
    bint-e-mahtaab ho gardoon se utar aa ee ho

    Mujh se milne mein ab andisha-e-ruswaee hai
    maine khud apne kiye ki ye sazaa paaee hai

    Unn dino'n mujh pe qayamat ka junoon taari tha
    ser pa ser-shaari-o-ishrat ka junoon taari tha
    Maah paaro'n se mohabat ka junoon taari tha
    Shehriyaron se raqaabat ka junoon taari tha

    Bistar-e-maqmal-o-sanjaab thi dunya meri
    aik rangeen-o-haseen khwaab thi dunya meri

    Kia sunogi meri majrooh jawani ki pukaar
    meri faryad-e-jigardoz, mera naala'e zaar
    shiddat-e-karb mein doobi huee meri guftaar
    mai ke khud apne mazaq-e-tarb aagei'n ka shikaar

    wo gudaaz-e-dil-e-mehroom kahan se laa'oon
    ab main wo jazba-e-masoom kahan se laa'oon

    By: Majaz
    hum ne maana ke taghaful na karoge lekin
    khaak hojaaynge hum tumko khabar ho ne taq

    #2
    Re: Etraaf

    Jal bhi chuke parwaane ho bhi chuki ruswaee
    ab khaak urhane ko baithe hain tamaashaee

    Taaro'n ki ziya dil mein aik aag lagaati hai
    araam se raato'n ko sote nahi saudaaee

    Raato'n ki udaasi mein khamosh hai dil mera
    behis hain tamannaein neend aaee ki maut aaee

    Ab dil ko kissi karwat araam nahi miltaa
    aik umr ka rona hai do din ki shanasaee

    Aik shaam wo aaye thay aik raat farozaan thi
    wo shaam nahi lauti wo raat nahi aaee
    By: Shehzad Ahmed
    hum ne maana ke taghaful na karoge lekin
    khaak hojaaynge hum tumko khabar ho ne taq

    Comment


      #3
      Re: Etraaf

      Comment


        #4
        Re: Etraaf

        Aaha, Meer G aap ne kaise jaana k main Majaaz ki ye nazm barre arse se dhoond raha tha !!! :-)
        Khush keeta ee !!!
        Doosri ghazal bhi zabardast hai.
        Keep sharing.
        * * * * * * * * * * * * * *

        Charkh-e-Sukhan Pe Kitne Taare
        Sab Se Chhotta Taara Main.........
        .

        Zamil .

        Comment


          #5
          Re: Etraaf

          Khuli jo aankh tu wo tha na wo zamana tha
          dehakti aag thi tanhaee thi fasana tha

          Ghamo'n ne baant liya mujhe yun aapas mein
          ke jaise main koee luuta huaa khazana tha

          ye kya ke chund hi qhadmo'n pe thak ke baeth gaye
          tumhein tu saath mera duur taq nibhana tha

          khud apne haath se Shahzad us ko kaat diya
          ke jis darakht ki tehni pe aashiyana tha

          By : Farhat Shahzad
          hum ne maana ke taghaful na karoge lekin
          khaak hojaaynge hum tumko khabar ho ne taq

          Comment


            #6
            Re: Etraaf

            kahan se laon i lik it keep it up buddy
            Love is unconditional, relationships are not
            BeInG lOn3lY sId

            Comment


              #7
              Re: Etraaf

              Kisi surat sahar nahi hoti
              raat idhar se udhar nahi hoti

              khauf-e-sayyaad hai na barq ka dar
              baat ye apne ghar nahi hoti

              ab mai samjha hoon kaat ker shab-e-gham
              zindagi muqhtasar nahi hoti

              kitni paband-e-wazaa hai shab-e-gham
              kabhi ghaer ke ghar nahi hoti

              arsh hilta hai meri aahon se
              lekin unn ko khabar nahi hoti

              By: Qamar Jalaalvi
              hum ne maana ke taghaful na karoge lekin
              khaak hojaaynge hum tumko khabar ho ne taq

              Comment


                #8
                Re: Etraaf

                Maana ke musht-e-khaak se barhkar nahi hoon main
                lekin hawa ke rahm-o-karam par nahi hoon main

                insaan hoon dharakte huay dil pe haath rakh
                yun doob kar na dekh samandar nahi hoon main

                Chehre pe mal raha hoon siyaahi naseeb ki
                aeena haath mein hai sikandar nahi hoon mein

                Ghalib teri zameen mein likkhi to hai ghazal
                tere khad-e-sukhan ke baraabar nahi hoon main

                By: Muzaffar Warsi
                hum ne maana ke taghaful na karoge lekin
                khaak hojaaynge hum tumko khabar ho ne taq

                Comment


                  #9
                  Re: Etraaf

                  Hum ko to gardish-e-halaat pe rona aaya
                  rone waale tujhe kis baat pe rona aaya

                  kaise mar mar ke guzri hai tumhe kya maloom
                  raat bhar taaron bhari raat pe rona aaya

                  kitne betaab thay rim-jhim mein peeynge lekin
                  aa ee barsaat to barsat pe rona aaya

                  kon rota hai kisi aur ke gham ki khaatir
                  sab ko apni he kisi baat pe rona aaya

                  'Saif ye din to qayamat ki tarha guzra hai
                  jaane kya baat thi her baat pe rona aaya

                  By: Saifuddin Saif
                  hum ne maana ke taghaful na karoge lekin
                  khaak hojaaynge hum tumko khabar ho ne taq

                  Comment


                    #10
                    Re: Etraaf

                    Kaise sukoon paoon tujhe dekhne ke baad
                    ab kya ghazal sunaoon tujhe dekhne ke baad

                    awaaz de rahi hai meri zindagi mujhe
                    jaoon main ya na jaoon tujhe dekhne ke baad

                    teri nigaah-e-mast ne makhmuur kar diya
                    kya maekade ko jaoon tujhe dekhne ke baad

                    naron mein taab-e-deed he baqi nahi rahi
                    kis se nazar milaoon tujhe dekhne ke baad

                    By: Saeed Shaheedi
                    hum ne maana ke taghaful na karoge lekin
                    khaak hojaaynge hum tumko khabar ho ne taq

                    Comment


                      #11
                      Re: Etraaf

                      Bohattt khoobbb
                      keep sharing.......
                      diL daRiyAa saMandUron doonGay taY koN diLan di JanaY...Hu...

                      Comment


                        #12
                        Re: Etraaf

                        good thanks for sharing
                        tumhara aur mera naam jungle mien darakhto.n per
                        abhi likha hua hai tum kabhi jaa k mitao....

                        Comment


                          #13
                          Re: Etraaf

                          Dayam parha hua tere der per nahi hoon main
                          khaak aesee zindagi pe ke patthar nahi hoon main

                          Kyun gardish-e-mudaam se ghabra na jaaye dil
                          insaan hoon piyala-o-sagar nahi hoon main

                          Yaa Rab! zamana mujh ko mitaa ta hai kis liye
                          lauh-e-jahaan pe harf-e-mukarrar nahi hoon main


                          hadh chaahiye saza mein uquubat ke waaste
                          aakhir gunaahgaar hoon kaafir nahi hoon main

                          kis waaste azeez nahi jaante mujhe
                          laal-o-zamarud-o-zar-o-gauhar nahi hoon main

                          rakhte ho tum qadam meri aankhon se kyun dareg
                          kya aasmaan ke bhi barabar nahi hoon main

                          Ghalib wazeefa khwaar ho, do shah ko dua
                          wo din gaye kehte thay naukar nahi hoon main
                          By: Mirza Ghalib
                          hum ne maana ke taghaful na karoge lekin
                          khaak hojaaynge hum tumko khabar ho ne taq

                          Comment


                            #14
                            Re: Etraaf

                            Mira you are doing wonders! Amazing stuff, thanks a lot for sharing! Keep it up.

                            Comment

                            Working...
                            X