Announcement

Collapse
No announcement yet.

ALLAMA IQBAL POEM

Collapse
X
 
  • Filter
  • Time
  • Show
Clear All
new posts

    ALLAMA IQBAL POEM

    Jinhen mai dhoondhta tha aasmano mai zameeno mai
    Wo nikley mere zulmat khana-e-dil ke makeeno mai

    Bura samjhoon unhen mujh se to aisa ho nahee sakta
    Ke mai khud bhi to hoon Iqbal apne nuktacheeno mai...

    I need the full thing as poem. Also, has any artist sung this ghazal ???

    PLEASE HELP ME !!!!!!!!!!!!!!
    God is love, God is peace!
    Love can never beget hatred,
    and peace can never lead to war.

    #2
    Re: ALLAMA IQBAL POEM

    ๑۩۞۩๑ Rude Boyz Rulez ๑۩۞۩๑
    @~King Of WesT LonDon[email protected]

    Comment


      #3
      Re: ALLAMA IQBAL POEM

      JinhaiN maiN dhooNdhtaa thaa AasmaanoN maiN, zameenoN maiN
      Woh niklaY meray zulmat khaana-e-Dil kaY makeenoN maiN


      Haqeeqat apni aaNkhoN par numaayaa jub huee apni
      MakaaN niklaa hamaaraY khaana-e-dil kaY makeenoN maiN


      Agar kuch aashnaa hotaa mazaaq-e-Jubba saai saY
      Tau sung-e-Aastaan Ka'ba jaa miltaa jabeenoN maiN


      Kabhi apnaa bhee nazaarah kiyaa hai Tu naY aye MajnooN?
      kaY Laila kee tarah Tu khud bhee hai Mehmal nasheenoN maiN


      MaheenaY wis'l kay GhaRiyoN kee soorat maiN uRtaY jaataY haiN
      Magar GhaRiyaaN judaai kee guzarti haiN MaheenoN maiN


      MujhaY rokaY gaa Tu aye Naa khudaa kiyaa gharQ honaY saY
      kaY jin ko Doobnaa ho, DooB jaataY haiN SafeenoN maiN


      Chupaayaa Hus'n ko apnaY Kaleemullah saY Jiss naY!
      Wohi Naaz AareeN hai Jalwah peraa NaazneenoN maiN


      Jalaa saktee hai Shama'a-e-Kashta ko mauj-e-Nafs unn kee
      Ilaahi! Kiya chuppaa hotaa hai Ehl-e-Dil kaY seenoN maiN


      Tamanna Dard-e-Dil kee ho tau khdimat kar FaqeeroN kee
      NaheeN miltaa yeh gohar baadshaahoN kaY khazeenoN maiN


      Naa pooch inn KhirQa poshoN kee,Iraadat ho tau dekh unn ko
      ya'd-e-Bezaa Liye beThaY haiN Apni AasteenoN maiN


      Tarasti hai Nigaah-e-Naa rasaa Jiss kaY nazaaraY ko
      Woh RonaQ Anjuman kee hai inheeN Khilwat gazeenoN maiN


      Kissi aisay sharar saY phooNk apnaY khirman-e-Dil ko
      kaY Khursheed-e-Qayaamat bhe ho teraY Khoshaa CheenoN maiN


      Mohabbat kaY liYe dil DhooNdh koi ToOT-nay walaa
      Yeh woh MeY hai jissaY rakhtaY haiN Naazuk AabgeenoN maiN


      Saraapaa Hus'n Bun jaataa hai jiss kaY Hus'n kaa Aashiq
      Bhalaa aYe Dil haseeN aisaa bhee hai koi haseenoN maiN!


      PhaRak uThaa koi teri adaa-e-MAA ARAFNaa par
      Tera Rutba rahaa baRh chaRh kaY sub naaz AafreenoN pe


      NumaayaaN ho kaY dikhlaa daY kabhi unn ko Jamaal apnaa
      Bahut muddat saY charchaY haiN teraY Bareek BeenoN maiN


      Kha'mosh aye Dil! bhari Mehfil maiN chillanaa naheeN achaa
      Adab pehlaa Qareenaa hai Mohabbat kaY QareenoN maiN


      Buraa samjhooN unhaiN, Mujh saY tau aisaa ho naheeN saktaa
      kaY maiN khud bhee tau hooN Iqbal apnaY Nuktaa cheenoN maiN
      Quite often good things have hurtful consequences. There are instances of men who have been ruined by their money or KILLED by their COURAGE. ~Aristotle

      Comment


        #4
        Re: ALLAMA IQBAL POEM

        AQ, wow.

        Comment

        Working...
        X