Announcement

Collapse
No announcement yet.

"go aaj Khaak-e-paa huuN ...

Collapse
X
 
  • Filter
  • Time
  • Show
Clear All
new posts

    "go aaj Khaak-e-paa huuN ...

    aadaab, dosto!

    aaj ek Ghazal Saghar Siddiqui kii zameen meN pesh kar rahaa huuN. ummeed hai pasand aayegii. hasb-e-saabiq, aap ke taassuraat kaa intizaar rahegaa.

    Ghazal

    go aaj Khaak-e-paa huuN, mujhe yaad keejiye
    mahmaan-e-dil rahaa huuN, mujhe yaad keejiye

    karte haiN ek baar to dushman kaa bhii Khayaal
    phir maiN to ham.navaa huuN, mujhe yaad keejiye

    jis marhale pe aap ne chhoRaa thaa meraa saath
    ab bhii vahiiN khaRaa huuN, mujhe yaad keejiye

    umr-e-daraaz Dhal gayii, dunyaa badal gayii
    maiN raah dekhtaa huuN, mujhe yaad keejiye

    apne lahuu se aap kii raaheN sajaaii haiN
    chaahat kii intihaa huuN, mujhe yaad keejiye

    donoN jahaan chhoR diye aap ke liye
    maiN paikar-e-vafaa huuN, mujhe yaad keejiye

    jis ne kiyaa thaa aap ko kal Khud se aashnaa
    maiN hii vo aainaa huuN, mujhe yaad keejiye

    puujaa thaa jaan-o-dil se kabhii aap ne mujhe
    :ulfat kaa devtaa: huuN, mujhe yaad keejiye

    :Waseem: kahiiN hai aaj bhii seene meN aap ke
    ye baat jaantaa huuN, mujhe yaad keejiye !!!



    Waseem Ahmed
    !!! PAKISTAN ZINDABAD !!!

    #2
    Re: "go aaj Khaak-e-paa huuN ...

    MashAllah....

    bouhat khoob waseem bhai...
    The only one of its own kind.

    Comment


      #3
      Re: "go aaj Khaak-e-paa huuN ...

      donoN jahaan chhoR diye aap ke liye
      maiN paikar-e-vafaa huuN, mujhe yaad keejiye

      jis ne kiyaa thaa aap ko kal Khud se aashnaa
      maiN hii vo aainaa huuN, mujhe yaad keejiye


      Beautiful
      thanks for sharin' and keep writing
      ~ ... palat k har taraf se kyon nazR us shaks per thehrii?
      wafa k silsilo`N kii wo, musalsal inteha thehra
      ...~

      Comment


        #4
        Re: "go aaj Khaak-e-paa huuN ...

        AsSweetAs Bhai and HH Jee baRe dinoN baad mulaaqaat huii aap sab se! ummeed hai mizaaj baKhair hoNge. Ghazal par daad kaa dilii shukriya qubuul keejiye!
        !!! PAKISTAN ZINDABAD !!!

        Comment


          #5
          Re: "go aaj Khaak-e-paa huuN ...

          Apney lahoo sey aapki raaheiN sajayi haiN
          Chahat ki intehaa hooN, mujhey yaad kijiye

          Jisney kiya tha aapko kal khudh sey aashna
          MaiN hi woh aaina hooN, mujhey yaad kijiye

          "Waseem" kahiN hai aaj bhi seeney meiN aapkey
          Yeh baat jaanta hooN, mujhey yaad kijiye



          Hameshaa ki tarah bahut khoob likha hai Waseem... :-)

          Comment


            #6
            Re: "go aaj Khaak-e-paa huuN ...

            KN Ghazal par aap kii daad ke liye mamnuun huuN. bahut bahut shukriya!
            !!! PAKISTAN ZINDABAD !!!

            Comment


              #7
              Re: "go aaj Khaak-e-paa huuN ...

              WAH... Zabardast As usual...

              KahaN ho Yar... Totaly Ghayab... Good to Cya
              (\__/)
              (_)
              JabBhi Milti Hay Mujhay.......

              Comment


                #8
                Re: "go aaj Khaak-e-paa huuN ...

                Originally posted by Golden Scorpion
                WAH... Zabardast As usual...

                KahaN ho Yar... Totaly Ghayab... Good to Cya
                aadaab!

                Qumar din meN vuhii 24 ghanTe haiN, aur zindagii aisii hai ki 48 bhii shaayad kam paReN! our aap sunao kaise mizaaj haiN? Ghazal kii pazeeraii kaa shukriya qubuul farmaaiye!
                !!! PAKISTAN ZINDABAD !!!

                Comment


                  #9
                  Re: "go aaj Khaak-e-paa huuN ...

                  Originally posted by koiDost
                  AsSweetAs Bhai and HH Jee baRe dinoN baad mulaaqaat huii aap sab se! ummeed hai mizaaj baKhair hoNge. Ghazal par daad kaa dilii shukriya qubuul keejiye!

                  jee mizaaj sharif bilkul theek hai.... aap ke dua se, Allah ka baRa karam hai...
                  The only one of its own kind.

                  Comment

                  Working...
                  X