Announcement

Collapse
No announcement yet.

Pasand

Collapse
X
 
  • Filter
  • Time
  • Show
Clear All
new posts

    Pasand

    Aa gaya tha wo khush khesaal pasand

    Thi hamari bhi kya kamaal pasand

    Haif bad-soorati rawayyoN ki

    Haaye dil tha mera jamaal pasand

    Kyun banaya tha Theekra dil ko



    Kyun kiya saaghar e sefaal pasand

    Theek hai main nahi pasand unhein

    Lekin is darja paayemaal pasand??

    Sach na kahiye K sach hai sabr talab

    Log hote hain ishte’aal pasand

    Haan mujhe aaj bhi pasand hai woh

    Is ko kahte hain lazawaal pasand

    Hilm hai ahl e ilm ka shewaa

    Jaah walon ko hai jalaal pasand

    Wasl ko hijr, naagehaani maut

    Hijr ko mausam e wesaal pasand

    Fikr e duniya nahi mujhe Ahmad

    Apni masti aur apni khaal pasand

Working...
X