Announcement

Collapse
No announcement yet.

"mahfil meN ham se ... "

Collapse
X
Collapse
 
  • Page of 1
  • Filter
  • Time
  • Show
Clear All
new posts
Previous template Next
    #1

    "mahfil meN ham se ... "

    aadaab, dosto!

    Parveen Shakir kii shaairii kaa maiN ek arse se maddaah rahaa huuN. haal hii meN un kaa majmuua-e-kalaam :maah-e-tamaam: paRhne kaa ittifaaq huaa. saath hii isii unvaan kaa ek video cassette bhii dekhaa jis meN un ke mushaaire aur interviews shaamil haiN. is ke baad mere nazdeek ek shaairah aur insaan ke taur par un kii saakh aur baRh gayii hai. aaj kii Ghazal un ko Khiraaj-e-tahseen hai. mulaahizah farmaaiye aur apnii raae se navaaziye.

    Ghazal

    mahfil meN ham se aap jo be.baak ho gaye
    saare raqeeb jal ke vahiiN Khaak ho gaye

    us chashm-e-be.niyaaz ko maaluum hii nahiiN
    us ke tufail kitne jigar chaak ho gaye!

    vaaiz! bhale bure kii tameez, aur vo hameN?
    deevaane kab se saahib-e-idraak ho gaye?

    the zahn-o-dil gunaah-e-Gham-e-jaaN ke murtakib
    guzre jo raah-e-ishq se to paak ho gaye

    jis din se raah.bar pe kiyaa ham ne aitbaar
    pur.amn raaste bhii Khatar.naak ho gaye

    dhokoN pe dhoke khaaye jo dunyaa se, dosto!
    ham jaise saadah.lauh bhii chaalaak ho gaye

    armaan.haaye-dil kaa muqaddar yahii hai kyaa?
    Ghunche the aur phir Khas-o-Khaashaak ho gaye

    nishtar kii tarha dil ko kare haiN ye laKht laKht
    yaanii tire Khayaal bhii saffaak ho gaye!

    :Waseem: kisii kii yaad ne sargoshiyaaN jo kiiN
    :lahje havaa-e-shaam ke nam.naak ho gaye:


    Waseem Ahmed
    !!! PAKISTAN ZINDABAD !!!
    Tags: None
    #2
    wow gr8 stuff

    my fav. poet bi yahi hein

    kee going

    ta ta

    Comment

      #3
      Waseeem bhai. OutStanding.

      Sirf Akhri shair maiN aapka takhalus wazan kharab kar raha hai

      marjhaye pat'tiyoN ki tarha thay paRay hue
      paRh kar ghazal ye, hum bhi gul-e-taak ho gaye
      "It's one of the gods of Africa, It holds the power of life and death. An elephant can kill you. A lion or leopard can kill you. And a mamba can kill you. But with a mamba bite, since the dawn of time, it's sure. It is death incarnate."

      Comment

        #4
        nice
        ๑۩۞۩๑ Rude Boyz Rulez ๑۩۞۩๑
        @~King Of WesT LonDon[email protected]

        Comment

          #5
          Ghazal kii pazeeraaii ke liye mamnuun huuN aap sab ka. bahut bahut shukriya!

          BM Lalay mujhay tu sab set lag raha hai
          !!! PAKISTAN ZINDABAD !!!

          Comment

            #6
            dhokoN pe dhoke khaaye jo dunyaa se, dosto!
            ham jaise saadah.lauh bhii chaalaak ho gaye

            nice1 .. ..

            Comment

              #7
              jis din se raah.bar pe kiyaa ham ne aitbaar
              pur.amn raaste bhii Khatar.naak ho gaye

              :Waseem: kisii kii yaad ne sargoshiyaaN jo kiiN
              :lahje havaa-e-shaam ke nam.naak ho gaye:


              Zabar10

              thx for shairn . ..
              ~ ... palat k har taraf se kyon nazR us shaks per thehrii?
              wafa k silsilo`N kii wo, musalsal inteha thehra               ...~

              Comment

                #8
                Originally posted by ghazal kisi ke:
                dhokoN pe dhoke khaaye jo dunyaa se, dosto!
                ham jaise saadah.lauh bhii chaalaak ho gaye

                nice1 .. ..
                Thanx Ghazal !
                !!! PAKISTAN ZINDABAD !!!

                Comment

                  #9
                  Originally posted by HeArT HaCKeR:
                  jis din se raah.bar pe kiyaa ham ne aitbaar
                  pur.amn raaste bhii Khatar.naak ho gaye

                  :Waseem: kisii kii yaad ne sargoshiyaaN jo kiiN
                  :lahje havaa-e-shaam ke nam.naak ho gaye:


                  Zabar10

                  thx for shairn . ..
                  Thanx HH Jee
                  !!! PAKISTAN ZINDABAD !!!

                  Comment

                    #10
                    Waseem sahab,

                    bahot hii achhi ghazal likhii hai aap ne. Padh kar maza aa gaya.
                    daad kubul kijiye aur yuN hii likhte rahiye.............

                    Comment

                      #11
                      Originally posted by Pramod:
                      Waseem sahab,

                      bahot hii achhi ghazal likhii hai aap ne. Padh kar maza aa gaya.
                      daad kubul kijiye aur yuN hii likhte rahiye.............
                      Pramod Bhai pazeeraaii ke liye mamnuun huuN. bahut bahut shukriya!
                      !!! PAKISTAN ZINDABAD !!!

                      Comment

                      Previous template Next
                      Working...
                      X