Khud sa nahiN hooN maiN

[sabah]

Aaisa nahiN ke pyaas ka sehra nahiN hooN maiN
Lekin miyaaN-e-khaimah-o-darya nahiN hooN maiN

Gar aag hooN to shole se bahir nahiN gaya
Gar phool hooN to shaakh se nikla nahiN hooN maiN

Yeh log dhoondte haiN kisi se mutabiqat
Mera yeh maslah hai ke khud sa nahiN hooN maiN

Guldaan meiN mari hui titlee aur aik phool
SochooN to agar, to us se ziyadah nahiN hooN meiN

[Abbas Tabish]

[Pramod]

achhi ghazal hai Saba , lekin es ne mujhe jab ye ghazal yaad dila dii then .... there was no comparison except the radif was same...
It is really difficult to use the same radif or kafia of a great shaayar like Ghalib and get the same impact..because the comparison comes automatically.. when I started reading this ghazal, automatically Ghalib's verse came in my mind..here is from the Ghalib, the great..

Anyway..thanks for sharing......


daayam pa.Daa huaa tere dar par nahii.n huu.N mai.n
Khaak aisii zindagii pe ke paththar nahii.n huu.N mai.n

kyuu.N gardish-e-mudaam se ghabaraa na jaaye dil
insaan huu.N, pyaalaa-o-saaGar nahii.n huu.N mai.n

yaarab! zamaanaa mujh ko miTaataa hai kis liye
lauh-e-jahaa.N pe harf-e-mukarrar nahii.n huu.N mai.n

had chaahiye sazaa me.n uquubat ke waaste
aaKhir gunaahagaar huu.N, kaafir nahii.n huu.N mai.n

kis waaste aziiz nahii.n jaanate mujhe
laal-o-zumaruud-o-zar-o-gauhar nahii.n huu.N mai.n

rakhate ho tum qadam merii aa.Nkho.n se kyuu.n dareG
rutabe me.n mahr-o-maah se kamatar nahii.n huu.N mai.n

karate ho mujhako manaa-e-qadam_bos kis liye
kyaa aasmaa.N ke bhii baraabar nahii.n huu.N mai.n

'Ghalib' wazifaa_Khwaar ho, do shaah ko duaa
wo din gaye ki kahate the "naukar nahii.n huu.N mai.n"

[reet]

I must say Promod g and SAba g, u both have nice choice......

[Pyara sa doost]

nice stuff sabah

gr8 one

Guldaan meiN mari hui titlee aur aik phool
SochooN to agar, to us se ziyadah nahiN hooN meiN


tata

[SunnyBoy]

nice

[blushing_vision]

[Dilsay]

Guldaan meiN mari hui titlee aur aik phool
SochooN to agar, to us se ziyadah nahiN hooN meiN

Very nice

[HeArT HaCKeR]

very nice sabah n pramod bhaiyya..

thx for sharin